ശ്രീവരാഹം കൊലപാതകം : മുഖ്യപ്രതി അര്‍ജുന്‍ പിടിയിൽ

തിരുവനന്തപുരം: ശ്രീവരാഹത്ത് യുവാവിനെ കൊലപ്പെടുത്തിയ കേസില്‍ മുഖ്യപ്രതി അര്‍ജുന്‍ പിടിയിലായി. ഒളിവിലായിരുന്ന പ്രതിയെ ഇന്ന് പുലര്‍ച്ചെയാണ് ഫോര്‍ട്ട് സിഐയുടെ നേതൃത്വത്തില്‍പിടികൂടിയത്. മയക്കുമരുന്ന് സംഘങ്ങള്‍ തമ്മിലുണ്ടായ ഏറ്റുമുട്ടലിനിടെയാണ് ശ്രീവരാഹം സ്വദേശി ശ്യാം കുത്തേറ്റു മരിച്ചത്. ഏറ്റുമുട്ടലില്‍ അര്‍ജുന്റെ സുഹൃത്തുക്കളായ വിമല്‍, ഉണ്ണിക്കണ്ണന്‍ എന്നിവര്‍ക്കും കുത്തേറ്റിരുന്നു.

സംഭവത്തില്‍ അര്‍ജുനെ ആക്രമിച്ച സംഘത്തിലുണ്ടായിരുന്ന മനോജ്, രജിത്ത് എന്നിവരെ പൊലീസ് നേരെത്തെ പിടികൂടിയിരുന്നു.  ശ്യാമിനെ കുത്തി കൊലപ്പെടുത്തിയ ശേഷം രക്ഷപ്പെട്ട അര്‍ജുനെ രണ്ടു ദിവസത്തെ അന്വേഷണത്തിനൊടുവിലാണ് പൊലീസ് അറസ്റ്റ് ചെയ്തത്.