‘ലിംഗനീതി എന്നാൽ ലിംഗമുള്ളവര്‍ക്കുള്ള നീതി എന്നാണോ?’; സുഗതകുമാരിക്ക്‌ കെ.ആർ മീരയുടെ മറുപടി

തിരുവനന്തപുരം: ശബരിമല വിഷയത്തിൽ കവി സുഗതകുമാരിയുടെ നിലപാടിനെതിരെ
എഴുത്തുകാരി കെ.ആർ മീര. ശബരിമലയിൽ സ്ത്രീകൾ പ്രവേശിച്ചാൽ ലിംഗനീതി ഉറപ്പാവില്ലെന്ന സുഗതകുമാരിയുടെ പ്രസ്താവനയെയാണ് കെ.ആർ മീര വിമര്‍ശിച്ചത്.

‘ശബരിമലയില്‍ സ്ത്രീകള്‍ പ്രവേശിച്ചാല്‍ അവരുടെ പദവി ഉയരുമോ, കേരളത്തിലെ സ്ത്രീകള്‍ നേരിടുന്ന ഏറ്റവും വലിയ പ്രശ്‌നം ശബരിമല പ്രവേശനമാണോ, മറ്റും പ്രശ്നങ്ങളൊക്കെ പരിഹരിച്ച് കഴിഞ്ഞോയെന്നും’  ചാനല്‍ ചര്‍ച്ചക്കിടെയാണ് സുഗതകുമാരി ചോദിച്ചിരുന്നു.

ഇതിനെതിരെ ‘ലിംഗനീതി എന്ന പദത്തിലൂടെ ലിംഗമുള്ളവര്‍ക്ക് നീതി എന്നായിരിക്കുമോ കവി ഉദ്ദേശിക്കുന്നതെന്ന് ‘കെ.ആര്‍. മീര ഫേസ്ബുക്ക് പോസ്റ്റിലൂടെ ചോദിക്കുന്നു. ഒരു പരിസ്ഥിതിവാദിയെന്ന നിലയില്‍ ശബരിമലയില്‍  ആരും പോകരുതെന്നും ശബരിമലയെ യുദ്ധഭൂമിയാക്കരുതെന്നും സുഗതകുമാരി അഭിപ്രായപ്പെട്ടിരുന്നു.