ശബരിമല ഹര്‍ജി ഉടൻ കേൾക്കില്ല; ആവശ്യം സുപ്രീംകോടതി തള്ളി

ഡൽഹി: ശബരിമല വിഷയത്തിൽ ഹര്‍ജി ഉടന്‍ പരിഗണിക്കണമെന്ന ആവശ്യം സുപ്രീംകോടതി തള്ളി. അടുത്ത മാസം 5, 6 തീയതികളില്‍ നട തുറക്കുന്നതിനാല്‍ ഹര്‍ജി വേഗത്തില്‍ പരിഗണിക്കണമെന്നായിരുന്നു ആവശ്യം. ശബരിമലയിലെ സംഘര്‍ഷാവസ്ഥയും അടിയന്തിര സാഹചര്യവും കണക്കിലെടുത്ത് ഉടന്‍ ഹര്‍ജി പരിഗണിക്കണമെന്നാവശ്യപ്പെട്ട് ഒരു കൂട്ടം അഭിഭാഷകർ ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ചില്‍ ഹര്‍ജി സമര്‍പ്പിച്ച ഹര്‍ജിയാണ്‌ സുപ്രീംകോടതി തള്ളിയത്‌.

തുലാമാസ പൂജകള്‍ക്ക് മുമ്പ് പുന:പരിശോധന ഹര്‍ജി പരിഗണിക്കണമെന്ന് ആവശ്യം കോടതി നേരത്തെ തള്ളിയിരുന്നു. അതേസമയം നവംബർ 11 ന് ശേഷം പുന:പരിശോധന ഹര്‍ജിയിൽ വാദം കേൾക്കുമെന്നും സുപ്രീംകോടതി വ്യക്തമാക്കി.