ഫാദർ കുര്യാക്കോസ് കാട്ടുതറയുടെ സംസ്‌ക്കരം ഇന്ന്

ആലപ്പുഴ: ജലന്തറിൽ മരിച്ച ഫാദർ കുര്യാക്കോസ് കാട്ടുതറയുടെ മൃതദേഹം ഇന്ന് സംസ്‌ക്കരിക്കും. ഉച്ചയ്ക്ക് 12-ന് കുടുംബവീട്ടിൽ നടക്കുന്ന ശവസംസ്‌കാര ശുശ്രൂഷകൾക്കുശേഷം രണ്ടോടെ പള്ളിപ്പുറം സെയ്ന്റ് മേരീസ് ഫൊറോന പള്ളി സെമിത്തേരിയിലെ കുടുംബക്കല്ലറയിലാണ് മൃതദേഹം അടക്കം ചെയ്യുക. എറണാകുളം അങ്കമാലി അതിരൂപത അഡ്മിനിസ്‌ട്രേറ്റർ മാർ ജേക്കബ് മനത്തോടത്ത് ചടങ്ങുകൾക്ക് നേതൃത്വം നൽകും. തുടർന്ന് പള്ളിച്ചന്തയിൽ കാട്ടുതറ കുടുംബയോഗത്തിന്റെ നേതൃത്വത്തിൽ അനുശോചനസമ്മേളനം നടക്കും.