പമ്പ, നിലക്കൽ, ഇലവുങ്കൽ, എന്നിവടങ്ങളിൽ നിരോധാജ്ഞ

നിലവിൽ സ്ഥിതിഗതികൾ ശാന്തമാണ്. എങ്കിലും മുൻകരുതലിന്റെ ഭാഗമായി നാളെ സന്നിധാനം, പമ്പ, നിലക്കൽ, ഇലവുങ്കൽ തുടങ്ങിയ നാലിടങ്ങളിൽ ഇന്ന് രാത്രി 12 മണി മുതൽ 2 ദിവസത്തേക്ക് നിരോധനാജ്ഞ പ്രഖ്യാപിച്ചതായി പത്തനംതിട്ട ജില്ലാ കളക്ടർ അനൂപ് അറിയിച്ചു. 30 കിലോമീറ്റർ ചുറ്റളവിൽ പ്രതിഷേധം അനുവദിക്കില്ലെന്നും അതേസമയം തീർത്ഥാടകർക്ക് നിരോധനാജ്ഞ ബാധകമാകില്ലെന്നും അദ്ദേഹം പറഞ്ഞു. അക്രമ സമരത്തെ ശക്തമായി നേരിടുമെന്ന് ദേവസ്വം മന്ത്രി കടകംപള്ളി സുരേന്ദ്രനും വ്യക്തമാക്കി. മാധ്യമ പ്രവർത്തകരേയും പോലീസിനേയും ആക്രമിച്ചവരെ തിരിച്ചറിഞ്ഞതായും ഉടൻ അറസ്റ്റു ചെയ്യുമെന്നും DGP ലോക്നാഥ് ബഹ്റയും വ്യക്തമാക്കി. കരുതൽ തടങ്കലിന്റെ ഭാഗമായി രാഹുൽ ഈശ്വർ അടക്കമുള്ളവരെ പോലീസ് കസ്റ്റഡിയിലെടുത്തിട്ടുണ്ട്. സന്നിധാനത്തും മാളികപ്പുറത്തും നാളെയാണ് മേൽശാന്തി തെരഞ്ഞെടുപ്പ്.