ഐ.എസ്.എൽ: നോർത്ത് ഈസ്റ്റ്-ഗോവ മത്സരം സമനിലയിൽ

ഗുവഹത്തി:  ഐ.എസ്.എൽ അഞ്ചാം സീസണിൽ നോർത്ത് ഈസ്റ്റും ഗോവയും തമ്മിലുള്ള മൂന്നാം മത്സരം സമനിലയിൽ കലാശിച്ചു. ഇരു ടീമുകളും രണ്ട് ഗോൾ വീതം നേടി. എട്ടാം മിനിറ്റിൽ ഫെഡ്‌റിക്കോ ഗലീഗോയുടെ ഗോളിലൂടെ നോർത്ത് ഈസ്റ്റാണ് മത്സരത്തിലെ ആദ്യ ഗോൾ നേടിയത്. എന്നാൽ പതിനാലാം മിനിറ്റിൽ ഗോവയുടെ ഫെറാൻ കൊറോമിനാസ് നേടിയ ഗോൾ നോർത്ത് ഈസ്റ്റിനൊപ്പം പിടിച്ചു. മുപ്പത്തിയെട്ടാം മിനിറ്റിൽ ഫെറാൻ കൊറോമിനാസ് മത്സരത്തിലെ തൻറെ രണ്ടാം ഗോൾ നേടിയപ്പോൾ ഒരു ഗോൾ ലീഡോടെ 2-1 ന് ഗോവ മുന്നിലായി.

ആദ്യ പകുതിയിലെ മികച്ച കളിയിലൂടെ ഗോവ എഫ്.സി നോർത്തീസ്റ്റ് താരങ്ങളെ പ്രതിരോധത്തിലാക്കിയെങ്കിലും അമ്പത്തിമൂന്നാം മിനിറ്റിൽ നോർത്ത് ഈസ്റ്റിന്റെ ബാർത്തലോമിയോ ഒഗ്ബച്ചെയുടെ ഗോളിലൂടെ സമനിലയിൽ അവസാനിക്കുകയായിരുന്നു.