മോഹന്‍ലാലിന്റെ ‘ഡ്രാമാ’, ഫസ്റ്റ്ലുക്ക് പോസ്റ്റര്‍ പുറത്തിറങ്ങി

മോഹന്‍ലാലിനെ നായകനാക്കി രഞ്ജിത്ത് ഒരുക്കുന്ന ഡ്രാമാ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി . ലോഹം എന്ന സിനിമക്ക് ശേഷമുള്ള  ഒരു കുടുംബ ചിത്രമായിരിക്കും ഡ്രാമാ എന്നാണ് പോസ്റ്റര്‍ നല്‍കുന്ന സൂചന. വര്‍ണചിത്ര ഗുഡ് ലൈന്‍ പ്രൊഡക്ഷന്‍സിന്റെയും ലില്ലിപാഡ് മോഷന്‍ പിക്‌ചേഴ്‌സിന്റെയും ബാനറില്‍ എം.കെ നാസ്സറും മഹാ സുബൈറും ചേര്‍ന്നാണ് ചിത്രം നിര്‍മ്മിക്കുന്നത്.  ‘മോഹന്‍ലാലിന്റെ പുതിയ മാജിക്’ എന്ന് പോസ്റ്ററില്‍ രേഖപ്പെടുത്തിയിട്ടുണ്ട്. ആശ ശരതാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. രഞ്ജി പണിക്കര്‍, കനിഹ. ടിനി ടോം, സുരേഷ് കൃഷ്ണ, ജോണി ആന്റണി, ദിലീഷ് പോത്തന്‍, ബൈജു എന്നിവരും ചിത്രത്തിലുണ്ട്.