ശബരിമലയിലെ സ്ത്രീ പ്രവേശനം: കോടതിവിധി ദൈവത്തിന്റെ വിധിയെന്ന് ജയമാല

ബെംഗലൂരു: ശബരിമലയിൽ പ്രായഭേദമന്യേ സ്ത്രീകൾക്ക് പ്രവേശിക്കാമെന്ന സുപ്രീംകോടതി വിധിയിൽ അതീവ സന്തോഷമെന്ന് കർണാടകമന്ത്രി ജയമാല. ഇത് ദൈവം തന്ന വിധിയാണെന്നും പൂർവികരുടെ പുണ്യമെന്നും ജയമാല പറഞ്ഞു.

തന്റെ 27 വയസ്സിൽ ജയമാല ശബരിമല സന്ദർശനം നടത്തിയിരുന്നെന്നും അയ്യപ്പ വിഗ്രഹത്തിൽ തൊട്ടുമെന്നുള്ള വെളിപ്പെടുത്തൽ ഏറെ വിവാദങ്ങൾക്ക് വഴിവെച്ചിരുന്നു.
ജയമാലയുടെ വെളിപ്പെടുത്തലിന് പിന്നാലെ താരത്തിനെതിരെ മതവികാരം വൃണപ്പെടുത്തിയതിന് കേസ് എടുത്തിരുന്നു. 1986ൽ ഏപ്രിൽ മാസത്തിലാണ് ജയമാല ശബരിമലയിൽ പ്രവേശനം നടത്തിയത്.