കന്യാസ്ത്രീകളുടെ സമരം; സിസ്റ്റർ ലൂസിക്കെതിരെ അച്ചടക്ക നടപടി

മാനന്തവാടി: കന്യാസ്ത്രീകളുടെ സമരത്തിൽ പങ്കെടുത്തതിനും സഭയെ മാധ്യമങ്ങളിലൂടെ വിമർശിച്ചതിനും സിസ്റ്റർ ലൂസി കളപ്പുരയെ സഭാ ചടങ്ങുകളിൽ നിന്നും പുറത്താക്കി. മാനന്തവാടി രൂപതയാണ് സിസ്റ്റർ ലൂസിയെ   പുറത്താക്കികൊണ്ട് നടപടിയെടുത്തത്. വേദപാഠം, ഇടവക പ്രവർത്തനം എന്നിവയില്‍ പങ്കെടുക്കുന്നതില്‍ നിന്നാണ് സിസ്റ്ററിനെ വിലക്കിയത്.

സഭയ്ക്ക് എതിരെ ഒന്നും പറഞ്ഞിട്ടില്ല. ആധ്യാത്മീക പ്രവര്‍ത്തനങ്ങളില്‍ പങ്കെടുക്കാനുള്ള ആരോഗ്യവും മനസും ഉണ്ടെന്നും ചുമതലകളില്‍ നിന്ന് മാറ്റി നിര്‍ത്തിയ സ്ഥിതിക്ക് മാറി നില്‍ക്കുമെന്നും സിസ്റ്റര്‍ ലൂസി വിശദമാക്കി.