റെഡ് അലർട്ട് രണ്ട് ജില്ലകളിൽ മാത്രം; പത്ത് ജില്ലകളിൽ യെല്ലോ അലർട്ട്

തിരുവനന്തപുരം: മഹാപ്രളയത്തിൻറെ ദുരിതത്തിൽ നിന്നും കേരളത്തിന് ആശ്വാസത്തിന്റെ വെളിച്ചം. നിലവിൽ സംസ്ഥാനത്ത് രണ്ട് ജില്ലകളിൽ മാത്രമാണ് റെഡ് അലർട്ട് പ്രഖ്യാപിച്ചിട്ടുള്ളത്. പ്രളയ ഭീതി ഒഴിവാക്കികൊണ്ട് കാലവസ്ഥ തെളിയുന്നു. സംസ്ഥാനത്തെ മൊത്തം കാലാവസ്ഥ മെച്ചപ്പെട്ടതായി കാലാവസ്ഥ നിരീക്ഷണ കേന്ദ്രം അറിയിച്ചു. ഇത് പ്രകാരം ജാഗ്രത നിർദേശങ്ങളിലും മാറ്റം വന്നിട്ടുണ്ട്. മറ്റുള്ള ജില്ലകളിലെല്ലാം യെല്ലോ അലർട്ടാണ് പ്രഖ്യാപിച്ചിട്ടുള്ളത്. അടുത്ത ഒരു മണിക്കൂറിൽ ഇതിൽ മാറ്റം വരുമെന്ന സൂചനയും അധികൃതർ നൽകുന്നു. ദിവസങ്ങൾക്ക് ശേഷമാണ് സംസ്ഥാനവ്യാപകമായി തെളിഞ്ഞ ആകാശം ദൃശ്യമാകുന്നത്.

തലസ്ഥാന നഗരത്തിലും കാസർഗോഡും ജാഗ്രതാ നിർദേശങ്ങൾ ഒന്നും തന്നെയില്ല. ചെറിയ തോതിലുള്ള മഴ തിരുവനന്തപുരത്തുണ്ടെങ്കിലും ഭീതിതമായ സാഹചര്യമില്ല. എറണാകുളത്തും ഇടുക്കിയിലും മാത്രമാണ് അതീവ ജാഗ്രതാ നിർദേശമുള്ളത്.