ആള്‍ക്കൂട്ട കൊലപാതകം കടുത്ത കുറ്റകൃത്യം:മോദി

ന്യൂഡല്‍ഹി: ആള്‍ക്കൂട്ട കൊലപാതകം കടുത്ത കുറ്റകൃത്യമാണെന്നാണു സര്‍ക്കാരിന്റെ ഉറച്ച നിലപാടെന്നു പ്രധാനമന്ത്രി നരേന്ദ്ര മോദി. ഒരു ദേശീയ മാധ്യമത്തിനു നല്‍കിയ അഭിമുഖത്തിലാണ്
മോദി ഇക്കാര്യം വ്യക്തമാക്കിയത്‌.  കുറ്റകൃത്യം ചെയ്യുന്നവരുടെ ഉദ്ദേശ്യം എന്തായിരുന്നാലും അംഗീകരിക്കാന്‍ കഴിയില്ലെന്നും  മോദി പറഞ്ഞു. ഏതു സാഹചര്യത്തിലും നിയമം കയ്യിലെടുക്കാന്‍ ഒരാള്‍ക്കും അധികാരമില്ല. സംസ്ഥാന സര്‍ക്കാരുകള്‍ ഇതിനെതിരേ അതിശക്തമായ നിയമ നടപടികള്‍ സ്വീകരിക്കണം. സാധാരണക്കാരായ ജനങ്ങളുടെ സുരക്ഷ ഉറപ്പാക്കണം. സമൂഹമൊന്നാകെ ഈ ഭീഷണിക്കെതിരേ രംഗത്തെത്തണമെന്നും പ്രധാനമന്ത്രി ആവശ്യപ്പെട്ടു.