ഒളിച്ചോടി വിവാഹം കഴിക്കണമെങ്കിൽ ഇനി പെൺകുട്ടിയുടെ പേരിൽ ഫിക്‌സഡ് ഡിപ്പോസിറ്റ് വേണം

ഛണ്ഡീഗഢ് : ഒളിച്ചോടി വിവാഹം കഴിക്കുമ്പോൾ പെൺകുട്ടിയുടെ പേരിൽ ഭര്‍ത്താവ് സ്ഥിരനിക്ഷേപം തുടങ്ങണമെന്ന് പഞ്ചാബ്- ഹരിയാന ഹൈക്കോടതി. പെണ്‍കുട്ടിയെ പോറ്റാന്‍ കഴിവുണ്ടെന്ന് തെളിയിക്കാന്‍ ഭാര്യയുടെ പേരില്‍ ഏതെങ്കിലുമൊരു ബാങ്കില്‍ ഫിക്‌സഡ് ഡെപ്പോസിറ്റ് തുടങ്ങിയതിന്റെ രേഖ കൂടി വരൻ ഹാജരാക്കണം. വീട്ടുകാരില്‍ നിന്ന് സംരക്ഷണമാവശ്യപ്പെട്ട് ഒളിച്ചോടി വിവാഹം കഴിച്ച ദമ്പതികൾ നല്‍കിയ ഹര്‍ജി പരിഗണിക്കുന്നതിനിടെയാണ് കോടതി ഇക്കാര്യം വ്യക്തമാക്കിയത്. ഭാര്യയുടെ പേരില്‍ അമ്പതിനായിരം മുതല്‍ മൂന്ന് ലക്ഷം വരെയുള്ള തുക സ്ഥിരനിക്ഷേപമാക്കിയിട്ട് വരികയാണെങ്കില്‍ സംരക്ഷണം നല്‍കാമെന്നാണ് കോടതി വ്യക്തമാക്കിയത്. ഒരു മാസത്തിനുള്ളില്‍ ഭാര്യയുടെ പേരില്‍ രൂപ നിക്ഷേപിക്കണമെന്നും കോടതി പറഞ്ഞു.