മഴക്കെടുതി വിലയിരുത്താൻ മുഖ്യമന്ത്രിയും സംഘവും വയനാട്ടിലെത്തി

തിരുവനന്തപുരം: പ്രളയ ബാധിത പ്രദേശങ്ങളിൽ സന്ദർശനം നടത്താൻ പുറപ്പെട്ട മുഖ്യമന്ത്രിയും സംഘവും വയനാട്ടിൽ  എത്തി. ബത്തേരിയിലാണ്സംഘം ഇറങ്ങിയത്. മുഖ്യമന്ത്രി ആദ്യം മുണ്ടേരി ദുരിതാശ്വാസ കേന്ദ്രമാണ് സന്ദർശിച്ചത്.

ക്യാമ്പിലെത്തിയ മുഖ്യമന്ത്രി ജനങ്ങളുടെ ആവശ്യങ്ങൾ കേട്ട ശേഷം എല്ലാ സഹായവും വാഗ്ദാനം ചെയ്താണ് മടങ്ങിയത്. മുണ്ടേരി സന്ദർശനത്തിന് ശേഷം മുഖ്യമന്ത്രി വയനാട് കളക്ട്രേറ്റിലേക്ക് പോയി. പ്രതിപക്ഷ നേതാവ് രമേശ് ചെന്നിത്തല, റവന്യൂമന്ത്രി ഇ.ചന്ദ്രശേഖരൻ, എം.ഐ.ഷാനവാസ് എംപി തുടങ്ങിയവർക്ക് പുറമെ ഉന്നത് ഉദ്യോഗസ്ഥരും മുഖ്യമന്ത്രിക്കൊപ്പം ഉണ്ടായിരുന്നു.

കാലാവസ്ഥ മോശമായതിനാൽ സംഘത്തിന് ഇടുക്കിയിൽ ഇറങ്ങായാനായില്ല.