മാധ്യമ പ്രവര്‍ത്തകര്‍ സഞ്ചരിച്ച വള്ളം മറിഞ്ഞ് രണ്ട് പേരെ കാണാതായി

കോട്ടയം: വെള്ളപ്പൊക്ക ബാധിത പ്രദേശങ്ങളില്‍ വാര്‍ത്ത റിപ്പോര്‍ട്ട് ചെയ്യാനായിപോയ വാര്‍ത്താ സംഘം സഞ്ചരിച്ചിരുന്ന വള്ളം മറിഞ്ഞു. കോട്ടയം വൈക്കം കല്ലറയ്ക്കടുത്ത് മുണ്ടാറില്‍ വച്ചാണ് അപകടം ഉണ്ടായത്. അഞ്ച് പേരാണ് വള്ളത്തിലുണ്ടായിരുന്നത്. ഇതില്‍ രണ്ട് പേരെ രക്ഷപ്പെടുത്തി.

മാതൃഭൂമി ന്യൂസ് കോട്ടയം റിപ്പോര്‍ട്ടര്‍ കെ.ബി ശ്രീധരന്‍, തിരുവല്ല യൂണിറ്റിലെ ക്യാമറാമാന്‍ അഭിലാഷ് എന്നിവരെ രക്ഷപ്പെടുത്തി. മുണ്ടാറിലേക്കുള്ള എഴുമാംകായലിലാണ് വള്ളം മറിഞ്ഞത്.

കാറിന്റെ ഡ്രൈവറായ ബിബിന്‍, പ്രാദേശിക ലേഖകന്‍ സജി എന്നിവരെയാണ് കാണാതായത്. ഇവര്‍ക്കായുള്ള തെരച്ചില്‍ തുടരുകയാണ്. തെരച്ചിലിനായി നാവികസേനയുടെ സേവനവും തേടിയിട്ടുണ്ട്.