ഡി​ജി​പി​മാ​രെ നി​യ​മി​ക്കാ​ന്‍ ഇ​നി സംസ്ഥാനങ്ങള്‍ക്ക് അധികാരമില്ല

ന്യൂഡല്‍ഹി: യുപിഎസ്‌സി പാനലില്‍ നിന്ന് ഡിജിപിമാരെ നി​യ​മി​ക്കണമെന്ന് സുപ്രീംകോടതിയുടെ മാര്‍ഗനിര്‍ദേശം. താല്‍ക്കാലിക ഡിജിപിമാരെ നിയമിക്കുന്ന നടപടി അവസാനിപ്പിക്കണമെന്ന് സുപ്രീംകോടതി നിര്‍ദേശിച്ചു. ഡിജിപിമാര്‍ വിരമിക്കുന്നതിന് മൂന്ന് മാസം മുമ്പ് നിയമിക്കുന്നവരുടെ പട്ടിക തയ്യാറാക്കണം. ഡിജിപിമാര്‍ക്ക് രണ്ട് വര്‍ഷം കാലാവധി ഉറപ്പാക്കണമെന്നും സുപ്രീംകോടതി ഉത്തരവില്‍ വ്യക്തമാക്കുന്നു. ചീ​ഫ് ജ​സ്റ്റീ​സ് ദീ​പ​ക് മി​ശ്ര അ​ധ്യ​ക്ഷ​നാ​യ ബെ​ഞ്ചാ​ണ് സു​പ്ര​ധാ​ന വി​ധി പു​റ​പ്പെ​ടു​വി​ച്ച​ത്. നി​യ​മ​ന​ത്തി​നു ത​ട​സ​മാ​കു​ന്ന ച​ട്ട​ങ്ങ​ള്‍ സു​പ്രീം കോ​ട​തി മ​ര​വി​പ്പി​ച്ചു.

ഡി​ജി​പി​മാ​രെ നി​യ​മി​ക്കാ​ന്‍ ഇ​നി ഒ​രു സം​സ്ഥാ​ന​ങ്ങ​ള്‍​ക്കും അ​ധി​കാ​ര​മി​ല്ല. ഡി​ജി​പി​യാ​യി നി​യ​മി​ക്കാ​ന്‍ ഉ​ദ്ദേ​ശി​ക്കു​ന്ന​വു​ടെ പ​ട്ടി​ക സം​സ്ഥാ​ന​ങ്ങ​ള്‍ യു​പി​എ​സ് സി​ക്കു ന​ല്‍​ക​ണം. ഈ ​പ​ട്ടി​ക പ​രി​ശോ​ധി​ച്ച്‌ യു​പി​എ​സ് സി​യു​ടെ മൂ​ന്നം​ഗ സ​മി​തി പാ​ന​ല്‍ ത​യാ​റാ​ക്കും. ഈ ​പാ​ന​ലി​ല്‍ നി​ന്നാ​യി​രി​ക്ക​ണം സം​സ്ഥാ​ന സ​ര്‍​ക്കാ​രു​ക​ള്‍ നി​യ​മ​നം ന​ട​ത്തേ​ണ്ട​ത്. നി​ല​വി​ലെ ഡി​ജി​പി വി​ര​മി​ക്കു​ന്ന​തി​ന് മൂ​ന്നു മാ​സം മു​ന്പു ത​ന്നെ പ​ട്ടി​ക ന​ല്‍​ക​ണ​മെ​ന്നും, ഡി​ജി​പി​മാ​രു​ടെ നി​യ​മ​ന​ത്തി​നാ​യി സു​പ്രീം കോ​ട​തി പു​റ​ത്തി​റ​ക്കി​യ മാ​ര്‍​ഗ​നി​ര്‍​ദേ​ശ​ത്തി​ല്‍ പ​റ​യു​ന്നു.

സം​സ്ഥാ​ന​ങ്ങ​ള്‍ ഇ​ട​ക്കാ​ല ഡി​ജി​പി​യെ നി​യ​മി​ക്കു​ന്ന​തും കോ​ട​തി വി​ല​ക്കി. ആ​ക്ടിം​ഗ് ഡി​ജി​പി എ​ന്ന ഒ​രു പ​ദ​വി ഇ​ല്ലെ​ന്നും അ​ങ്ങ​നെ ആ​രെ​യും നി​യ​മി​ക്കാ​നാ​വി​ല്ലെ​ന്നും സു​പ്രീം കോ​ട​തി വ്യ​ക്ത​മാ​ക്കി. ഡി​ജി​പി​യാ​യി നി​യ​മി​ക്ക​പ്പെ​ടു​ന്ന​യാ​ള്‍​ക്ക് ര​ണ്ടു വ​ര്‍​ഷ​ത്തെ കു​റ​ഞ്ഞ സേ​വ​ന കാ​ലാ​വ​ധി ഉ​റ​പ്പാ​ക്ക​ണ​മെ​ന്നും മാ​ര്‍​ഗ​നി​ര്‍​ദേ​ശ​ങ്ങ​ളി​ലു​ണ്ട്.